28 лістапада а 17-ай гадзіне ў ГКЦ, які месьціцца на вуліцы Ланге, 17, адбудзецца канцэрт гурта Apple Tea у межах агульнанацыянальнага туру. Імпрэза прысьвечана 110-ым угодкам з дня нараджэньня Дзюка Элінгтана. Кошт квіткоў: 15-25 тысячаў рублёў.
Тэлефоны для даведак: 71-10-21, 73-02-00

Tags: Адпачынак, Беларусь, Гомель, Культура, Музыка

Сёньня, 30 кастрычніка адбудзецца прэзэнтацыя кнігі Алега Трусава «Невядомая нам краіна» ў Гістарычнай майстэрні (Менск, вул. Сухая, 25, станцыя мэтро «Фрунзенская»).
Пачатак а 19-ай гадзіне

Крыніца інфармацыі: http://www.nn.by/index.php?c=ar&i=31035

Tags: Асобы, Беларусь, Культура

17 кастрычніка на тэлеканале "СТБ" а 20-10 "Зорны рынг". Лягенда айчыннай музыкі фольк-гурт "Палац" супраць "Давінчы". Пад час перадачы ладзіцца галасаваньне гледачоў, якое вызначае пераможцу. Сябры, калі ласка, падтрымайце "Палац". Мабілізуйце, сваіх сяброў ды знаёмых. Наша падтрымка будзе нашай узнагародаю гурту за зьберажэньне і ўзбагачэньне нацыянальных сьпеўных традыцыяў.

Tags: tv, Адпачынак, Беларусь, Культура, Музыка, Увага!

У суботу паглядзеў на СТБ "Зорны рынг". Канешне, якасьць гуку і якасьць працы вядоўцаў магла быць і вышэйшай. Але, галоўнае, што такая перадача зьявілася на айчынным тэлебачаньні. І калі "Зорны рынг" ськіраваны на папулярызацыю айчынных выканаўцаў, дык гэтую ініцыятыву магу толькі вітаць. Прынамсі, я цалкам ухваляю ідэю гэтай перадачы.
Двубой "Нейрадзюбеля" і Аляксея Хлястова назіраў зь цікавасьцю. Нават зладзіў мікрамабілізацыю - абтэлефанаваў сяброў ды знаёмых з просьбай галасаваць за "Дзюбелей". "Дзюбеля" глядзеліся натуральна, а Хлястоў занадта штучна. Прынамсі, а чаго яшчэ чакаць ад ППП (пэрсаніфікаваных псэўдамузычных праектаў)...
Кулінковіч і К запомніліся: вершам пра жабу, зладжанымі скокамі на сцэне і іншай "нейрадзюбелеўшчынай". Хоць у якасьці фінальнай кампазыцыі я б абраў "Чай Ліптан" альбо "Время распрощаться".
p.s. я быў рады перамозе "Нейрадзюбеля". Віншую ўсіх прыхільнікаў слыннага рок-гурта. Чакаю юбілейнага канцэрту "Нейрадзюбеля".

Tags: tv, Беларусь, Культура, Музыка

Сёньня, 27 верасьня, адзначаем сотую гадавіну з дня нараджэньня таленавітага беларускага пісьменьніка - Лукаша Калюгі, жыцьцё якога трагічнага абарвалася пад час сталінскіх рэпрэсій у 1937-ым.
Лукаш Калюга (Кастусь Пятровіч Вашына) нарадзіўся ў сялянскай сям'і 27 верасьня 1909 году ў вёсцы Скварцы Койданаўскага павету (зараз Дзяржынскі раён Менскай вобласьці). Скончыў менскі Беларускі педагагічны тэхнікум у 1931 годзе. Яшчэ ў часы школьнага, а потым і тэхнікумаўскага навучаньня Лукаш Калюга пачаў сваю літаратурную творчасьць. Ягоныя творы прыцягнулі ўвагу Кузьмы Чорнага, які рэдагаваў літаратурны дадатак да газэты "Беларуская вёска" - "Чырвоны сейбіт". Акурат Кузьма Чорны паспрыяе далучэньню Калюгі да літаратурнага аб'яднаньня "Узвышша". Аднак старанна папрацаваць на літаратурнай ніве Лукашу не давялося. Ужо ў 1933 годзе ён быў арыштаваны і выпраўлены ў Сібір, дзе праз чатыры гады спазнаў чарговы арышт і 2 кастрычніка 1937 году быў растраляны.
З калюгавай літаратурнай спадчыны асабіста мяне кранулі два творы. Гэта аповесьці "Ні госьць, ні гаспадар" і "Нядоля Заблоцкіх".
Аповесьць "Ні госьць, ні гаспадар" закранае маладзёвую тэматыку. Яна адлюстроўвае сацыяльна-культурныя зьмены ў беларускай вёсцы 20-х гадоў мінулага стагоддзя з усімі супярэчнасьцямі, станоўчымі і адмоўнымі бакамі згаданага працэсу.
А "Нядоля Заблоцкіх" пабудаваная на народнай прыказцы: "Зарабіў, як Заблоцкі на мыле!" Але аповесьць закранае куды больш сур'ёзныя пытаньні чымся можа падацца на першы погляд.
Памятаем, чытаем сваё - сваіх літаратараў.
p.s. а тут верш Шніпа - http://www.nn.by/index.php?c=ar&i=29901

Tags: Асобы, Беларусь, Гісторыя, Культура, Літаратура

Учора тэлеканал ОНТ падараваў канцэрт фольк-гурта "Палац". Дзякуй тэлевізійшчыкам! "Палац" быў супэр! Выбачаюся, што забыўся паведаміць :(

Tags: tv, Беларусь, Культура, Музыка

Гасьцям рок-фэсту «Be Free-2009» прапаную карысную інфармацыю з уласнага досьведу.

Транспарт.
Ад чыгунначнага вакзалу Чарнігава да мейсца рок-фэсту можна даехаць аўтобусамі, тралейбусамі і маршрутнымі таксоўкамі. Я памятаю толькі дакладна, што ад вакзалу туды ідзець тралейбус №1. Кошт праезду ў тралейбусах і аўтобусах - 1 грыўна (360 рублёў). Квіток набываецца непасрэдна ў салёне аўтобуса альбо тралейбуса. У маршрутных таксоўках кошт праезду ад 1 гр. 50 кап. да 3 гр. Часьцей за ўсё кошт маршруткі 2-2,5 гр. Ехаць грамадзскім транспартам да прыпынку Тэхналагічнага ўніверсітэту. Дарога адбярэ недзе 25-30 хвілін. Адтуль яшчэ прайсьці мэтраў 300-400 і вы апынецеся на мейсцы.. (Можна, канешне, прагуляцца і пешшу. Але тады шлях запатрабуе каля 1 гадзіны. За тое можна будзе пабачыць штодзённае жыцьцё гораду).

( Read more... )

Tags: Адпачынак, Беларусь, Кошты, Культура, Музыка, Суседзі, Украіна, Чарнігаўшчына

Гомельскі абласны драматычны тэатр 12 ліпеня запрашае на крымінальную меладраму айчыннага аўтара Аляксея Дударава "Рыва".

Tags: Гомель, Культура, Тэатр

У нядзелю, 21 чэрвеня, выпадкова пераключыў свой тэлівізар на СТБ і пабачыў выступ рок-гурта "Крамы" у тэлеперадачы "Песьні роднай зямлі". Варашкевіч сьпяваў "Усё жыцьцё - дзіўны сон..." Для мяне гэта было прыемнай неспадзяванкай. Шкада толькі, што ніхто не папярэдзіў пра магчымасьць пабачыць "Краму" на айчынным тэлебачаньні.
Шаноўныя віртуальныя сябры, калі ласка, калі будзе Вам штосьці вядома пра паказ па тэлебачаньні нашых слынных рок-гуртоў пакідайце мне паведамленьні з гэтай нагоды. Загадзя Вам дзякуй.

Tags: tv, Беларусь, Культура, Музыка

4 чэрвеня я наведаў канцэрт Зьміцера Вайцюшкевіча ў Гомлі. На жаль, вялікі брак вольнага часу не дазваляў выкласьці свае ўражаньні ад канцэрту. Толькі сёньня засеў за кампутар каб прыгадаць сьвяточны вечар у ГЦК.

( Read more... )

Tags: Асобы, Беларусь, Будзьма!, Гомель, Культура, Музыка