28 кастрычніка "дынамаўцы згулялі сваю апошнюю сустрэчу сёлетняга чэмпіянату Расеі ў Другой лізе ў гурце "Цэнтр". Дома яны выдрапалі перамогу зь лікам 1:0 у "чыгуначнікаў" зь Лісак. У выніку чаго ўзьняліся на другое мейсца апярэдзіў падольскі "Авангард", які саступіў з такім самым лікам "Русічам" з Арлу.
Аднак першы радок і пуцёўка ў Першую лігу дасталася курскаму "Авангарду". Заўзятарам бранскага клюбу давядзецца пачакаць яшчэ год...

Tags: Бранск, Браншчына, Расея, Суседзі, Футбол

Гасьцям рок-фэсту «Be Free-2009» прапаную карысную інфармацыю з уласнага досьведу.

Транспарт.
Ад чыгунначнага вакзалу Чарнігава да мейсца рок-фэсту можна даехаць аўтобусамі, тралейбусамі і маршрутнымі таксоўкамі. Я памятаю толькі дакладна, што ад вакзалу туды ідзець тралейбус №1. Кошт праезду ў тралейбусах і аўтобусах - 1 грыўна (360 рублёў). Квіток набываецца непасрэдна ў салёне аўтобуса альбо тралейбуса. У маршрутных таксоўках кошт праезду ад 1 гр. 50 кап. да 3 гр. Часьцей за ўсё кошт маршруткі 2-2,5 гр. Ехаць грамадзскім транспартам да прыпынку Тэхналагічнага ўніверсітэту. Дарога адбярэ недзе 25-30 хвілін. Адтуль яшчэ прайсьці мэтраў 300-400 і вы апынецеся на мейсцы.. (Можна, канешне, прагуляцца і пешшу. Але тады шлях запатрабуе каля 1 гадзіны. За тое можна будзе пабачыць штодзённае жыцьцё гораду).

( Read more... )

Tags: Адпачынак, Беларусь, Кошты, Культура, Музыка, Суседзі, Украіна, Чарнігаўшчына

У красавіку стартаваў чэмпіянат Расеі па футболе сярод клюбаў Другога дывізыёну. Акурат там у групе "Цэнтр" гуляе бранскае "Дынама", якое пасьля свайго няўдалага выступу ў мінулым годзе пакінула Першы дывізыён. Акрамя бранскага футбольнага клюбу ў згаданай групе "Цэнтр" за адзіную пуцёўку ў Першы дывізыён спаборнічаюць яшчэ 16 клюбаў. У першых дзьвух гульнях бранскія футбалісты дасягнулі неблагіх вынікаў у гасьцёх - нічыі (з варонежскім "Факелам" - 1:1) і перамогі (над "Лакаматывам" зь Лісак - 2:0). У выніку чаго "Дынама" (Бранск) пасьля дзьвух гульняў займала з 4-ма баламі 4-тае мейсца. Наперадзе былі толькі тры клюбы з 100% вынікамі: "Авангард" (Падольск), ФК Разань ды "Зьвязда" (Серпухаў). У наступныя два туры мусілі прынесьці нейкую пэўнасьць адносна магчымасьцяў бранскіх футбалістаў, таму што яны мусілі згуляць з падольскім "Авангардам" і серпухаўскай "Зьвяздою".
( Read more... )

Tags: Бранск, Браншчына, Суседзі, Футбол

У нашых украінскіх суседзяў - у Гародні галоўнай навіной мінулага тыдня зрабілася чарговая бойка ў кавярні "Вега". Як гэа падобна на добрушскую практыку "культурнага" адпачынку.
Падрабязнасьці чытаць тут: Городня не спит!!! - http://gorodnya.net/gorodnya_news_today/2397-gorodnja-ne-spit.html

Tags: Суседзі

На мінулым тыдні з вакна прыгарднага цягніку Гомель-Добруш уздоўж чыгункі пабачыў там-сям чорныя плямы ў травах, якія пасьля сябе пакінуў агонь. А потым вось тут пачытаў: Горять ліси - http://gorodnya.net/gorodnya_news_today/sport/2322-futbol-chemponat-rajjonu.html
У суседзяў таксама гэтая ж праблема.

Tags: Беларусь, Добрушскія навіны, Суседзі, Украіна

Пасьля шасьці тураў чарнігаўская "Дзясна" атабарылася на 15 мейсцы з 18-ці. Клюб займеў у сваю скарбонку толькі 3 балы! Вельмі крыўдны пачатак пасьля шматабяцальнага выступу на мінулым першынстве (4 мейсца). У пяці першых гульнях "Дзясна" не забіла аніводнага мяча ў браму сваіх супернікаў! Такія кепскія вынікі прымусілі кіраўніцтва клюбу зьмяніць галоўнага трэнэра, замест Сяргея Кучарэнкі клюб узначаліў Адяксандр Рабаконь, які мае досьвед вышэйшых ліг Украіны і Беларусі. (Олександр Рябоконь - новий тренер "Десни"- http://www.fcdesna.com/article.php?id=505)
А яшчэ мяне ўразіла наяўнасьць ан-лайнавых трансляцыяў у Інтэрнэце гульняў Першай лігі - http://www.ua-football.com/live_ua/live1.phtml?r=1
ды Другой лігі - http://www.ua-football.com/live_ua/live2a.phtml
У нас такога няма.

Tags: Суседзі, Украіна, Футбол, Чарнігаўшчына

Толькі такім словам можна ахарактарызаваць выступ бранскага "Дынама" ў Першай лізе расейскага першынства ў бягучым годзе. Пасьля 24-ох гульняў футбольны клюб займае гаротны апошні радок у табліцы з 12 баламі. Ад бліжэйшага суперніка бранскія футбалісты адстаюць на 5 балаў, а да выратавальнага 15-га мейсца ажна 18 балаў - гэта як да зорак.
Тым няменьш, дынамаўцы з Бранску ўпарта змагаліся з маскоўскім "Спартаком" у 1/16 фіналу Кубка Расеі (http://dinamo-bryansk.ru/index.php?name=Forums&op=showtopic&id=5
). Хоць варта адзначыць, што масквічы гулялі фактычна рэзэрвовым складам.

Tags: Браншчына, Суседзі, Футбол

Напрыканцы чэрвеня фінішаваў чэмпіянат Украіны ў Першай лізе. Чарнігаўская "Дзясна" дасягнула найлепшага свайго посьпеху ў нацыянальным чэмпіянаце за ўвесь час свайго ўдзелу - заняла 4-ае мейсца. Клюб назьбіраў 67 балаў. "Дзясну" апярэдзілі толькі тры клюбы: кііўская "Абалонь" з 72-ма баламі, а таксама ФК Львіў ды марыупальскі "Ільлічывец". Апошнія два клюбы ў новым сэзоне згуляюць у Вышэйшая лізе. Дарэчы чэмпіянат у Першай лізе распачнецца ўжо 20 ліпеня.
Падрабязна чытаць тут: http://sian-ua.info/sport/chernigov/191667.html

Tags: Суседзі, Украіна, Футбол, Чарнігаўшчына

Народны тэатр "Віадук" Гарадзскога палацу культуры г. Жлобіна ўвайшоў у лік ляўрэатаў (а ці бываюць на такіх фэстах неляўрэаты?) VІ Міжнароднага фэсту маладзёвых аматарскіх тэатраў, які адбыўся ў г. Навазыбкаве (на нашай этнічнай тэрыторыі) Бранскай вобласьці. Жлабінчане прадэманстравалі спектакль п'есе Аляксея Дударава. Што ж прыемна, што нашыя аматары тэатру прапагандавалі беларускую культуру. Толькі сьвідруе адно пытаньне - ці на роднай мове ажыцьцявілі пастаноўку?
Крыніца: Лауреат «Славянского перекрестка» - http://zhlobin.gomel-region.by/ru/news/district?id=4510

Tags: Браншчына, Суседзі, Тэатр

Двухтыднёвы футбольны турнір сярод журналістаў краін СНД і Балтыі, які быў прысьвечаны 64-ай гадавіне ўтварэньня Бранскай вобласьці, скончыўся перамогаю нашых журналістаў (пытаньне якіх дзяржаўных альбо незалежных?). Другое месца занялі журналісты з Украіны (з Луцку) і толькі трэцьцямі былі расейцы. Хоць назва мерапрыемства выклікае сьмех, бо ў турніры ўзялі ўдзел 6 клюбаў: Бранску, НТВ+, Арменіі, Украіны, Беларусі, Валгаград. І тут бац "і краінаў Балтыі". Няўжо расейцы нашую краіну пачалі адносіць да краінаў Балтыі? Дарэчы ці кажа вам што-небудзь прозьвішча найлепшага журналісцкага футбаліста - беларуса Аляксандра Вішнеўскага? Адкуль ён?
Крыніца: Журналистский мини-футбольный Кубок отправляется в Беларусь - http://www.news.nashbryansk.ru/2008/07/14/sport/kubok-belarus/print/

Tags: Браншчына, Суседзі, Футбол